ʼn Goeie reën jaar, is nie altyd ʼn goeie vee jaar nie. Hoe kan ons die situasie effektief bestuur?

Waarom lei volop weiding tot swak veeprestasie?

• Kwantiteit is nie kwaliteit nie, hoewel weiding volop is, het dit dikwels laer voedingswaarde.
• Weidings bereik vinniger volwassenheid, skiet saad en kanaliseer voedingstowwe na die plantwortels vir oorlewing.
• Die weiding raak dan vinniger “stokkerig” en minder sappig.
• Verteerbaarheid van weiding neem af.
• Algehele nutriënt beskikbaar aan die dier verminder, ten spyte van baie kos.
• Ons moet onderskei tussen “gutfill” en nutriënte. Diere se mae mag vol lyk, maar hulle ontvang nie noodwendig voldoende noodsaaklike voedingstowwe nie.

Hiermee saam gebeur ook die volgende;

• Kleinvee sukkel om genoeg inname te kry in uitgegroeide weiding, en vermaer tussen lang gras.
• Die parasietlading  verhoog,  dit plaas  diere se immuunstelsels onder druk en vererger voedingstekorte.
• Vogtige toestande vererger hoefprobleme, wat diere se beweeglikheid en vreetpatrone negatief beïnvloed.
• Muskiete, muggies en vlieë neem toe en verhoog die risiko vir siektes.

Teen begin Februarie was bykans alle weidings oor groot dele van Suid-Afrika reeds in saad. Diere se kondisies begin sowat 30 dae daarna daal. Om diere kondisie te handhaaf en volgehoue immuniteit en reproduksie te verseker, moet die volgende gebeur;
 
Die foto onder verteenwoordig die veld kondisie op die hoëveld in Februarie. Meeste gras het reeds saad geskiet.

Die rumen mikrobes moet “bestuur word” om te vermeerder sodat;

• Die verteringstempo van veldweiding te verhoog.
• Meer energie in die vorm van vlugtige vetsure beskikbaar te stel.
• Meer mikrobiese proteïen (“verbyvloeiproteïn”) vanaf rumen mikrobes.

Hierdie verbeteringe lei tot:

• Die beskikbare volop weiding beter te benut.
• Die diere se kondisie vir langer te handhaaf.
• Diere gesondheid en reproduksie op ʼn optimum vlak te handhaaf.

Hoe bereik ons die doel?:

1. Fokus eerstens op effektiewe bestuur van die rumen, eerder as om nutriënt tekorte aan te vul.
2. Gebruik ’n rumenstimulerende aanvulling wat volgens die SFOS-stelsel geformuleer is om optimale rumenfunksie oor tyd te verseker.
3. Deur hierdie aanvulling vroeër as normaal te begin (1 Maart) alvorens die diere te veel kondisie verloor.
4. Indien jou weiding reeds in saad is, kan jy gerus daarmee begin om die voordele te geniet.

SFOS-geformuleerde produkte vir optimale rumenfunksie

De Heus voere formuleer volgens SFOS om optimale rumenfunksie te behaal. SFOS geformuleerde produkte is onder andere;

Kontak gerus ons Tegniese Adviseurs vir hulp en advies oor hoe om 'n goeie reënjaar doeltreffend te bestuur: https://www.deheus.co.za/meet-our-team.